Inga Björns blogg

One down, three to go!!!

2005-11-20T02:09:00.000Z

Jæja!!!

Þá er fyrstu djamm fríhelgi af fjórum í röð lokið. Fór í gærkveldi ásamt Önnu á San Francisco myndakvöld hjá Krissa að Elliðavöllum í Keflavík City. Ekki ætlaði ég að verða of drukkinn þannig að ég tók bara með mér eina kippu af ísköldum Kalla (Carlsberg, probably the best beer in town, fyrir þá sem ekki vita hvað Kalli er). En það fór að sjálfsögðu á annan veg þegar á hólminn var komið því Krissi hafði jú fjárfest í þessum annars ágæta Ópal snafsi. Ég er ekki frá því að ég hafi drukkið mestmegnið af flöskunni og þegar að því kom að liðið ætlaði útí bæ var Ingi Björn orðinn haugölvaður og vissi hvorki upp né niður. En einhvern veginn reddaðist það allt saman og við drifum okkur á H.inn (Hápunktinn fyrir þá sem ekki vita hvað H.inn er), en það er víst aðalstaðurinn í Kef City þessa dagana. Þar var mikið af fólki, þar á meðal myndarpiltur frá IGS (no names).

Frá H.inum var Inga Birni keyrt í bæinn af Kristínu Gallagher og var Imba með í för þótt ekki hafi þær verið í djamm hugleiðingum. Fór þar með 1000 kallinn sem ég átti á Café Kozý og náði að eiga afgang þegar ég kom út víííííí. Rölti mér upp Laugaveginn og heim til Önnu sem var svo góð að lána mér lykla að íbúðinni sinni en hún varð eftir í Njarðvík hjá frænku sinni. Lá þar steinrotaður til kl 18:15 á laugardegi og kom þá litla systir að sækja mig og skutlaði mér heim.

Úfffff, ég vildi geta sagt að það yrði langt í næsta djamm en eins og ég segi þá er stíft prógram framundan, jólbolla Icelandair og IGS 2. desember, Jólahlaðborð í Köben 16-18 des og svo loks jól og áramót. Að þeim loknum verður nú einhver pása tekin, og þó, tónleikar með James Blunt í Köben 24. jan 2006 sem maður lætur sig nú ekki vanta á!!!

Lengi lifi Ópalskotið.......................

Brandari vikunnar........

2005-11-17T23:52:00.000Z

Ég horfði, mér til mikillar skemmtunar, á Eurotrip á Ztöð2 Bíó í gærnótt. Afar skemmtileg mynd!!! Mér var sérlega skemmt yfir þýðingunni á myndinni. Hér kemur skemmtilegt dæmi sem ég tel vera með því fyndnara sem ég hef heyrt.....

Myndin gengur út á það, fyrir þá sem ekki vita, að Scott og vinur hans fara til Evrópu til þess að finna stúlku sem er búin að vera pennavinur Scotts í x langann tíma. Þegar þeir koma loks á áfangastað komast þeir að því að Mieke er ekki þar. Þeir hitta föður hennar og reyna að finna út hvar hún er.....

Do you know where she is? Yes, she enlisted in a scholarship program in Rome.

Þýðing: Veistu hvar hún er? Já, hún skráði sig á skólaskip í Róm!!!

Múhahahahahahahahahahahahahaa........

Menningarnótt??????????

2005-08-21T16:38:00.000Z

Menningarsjokk öllu heldur!

Missti nú af allri menningunni um daginn og fór ekkert í bæinn fyrr en undir miðnætti. Ástrún, Sigga Express, Stína Gallagher og Daði flokkstjóri komu og sóttu mig á heimaslóðir rétt um kl 23 og á meðan ég beið eftir þeim fyrir utan gekk á með Amazon rigningu. Vatnið svoleiðis fossaði niður götuna að annað eins hefur ekki sést síðan í gamla daga (sem sagt fyrir áramót).

Nú liðið hélt náttla beinustu leið á ball þar sem flugeldasýningin var jú búin og lítið annað um að vera í bænum en böll og rigning. Þannig að við tókum strikið á Nasa þar sem gífurlegt Sálarball átti að hefjast og þar sem ég var með Siggu og Ástrúnu kom lítið annað til greina en að fara á það. Enda ekki þekktar fyrir annað en að elta Sálina Hans Jóns Míns út um allar trissur. En ég hrósa happi því ef ekki hefði verið fyrir Sálarballið þá hefðum við án efa farið á leiðinlegasta stað í bænum, öðru nafni Pravda, greitt þar milljónir fyrir inngöngu og veðsett svo húsið og bílinn fyrir drykkjunum. Nóg kostaði nú Nasa ævintýrið.

Nema hvað að það var svona ægilega fínt til að byrja með, fannst nú tónlistin ískyggilega há, ekki alveg hægt að njóta hennar þegar maður finnur bassann í maganum. En eftir því sem leið á kvöldið er ég ekki frá því að einhver hafi alltaf verið að hækka í græjunum þannig að ég gafst upp á endanum og fór út með suð í eyrum og er ekki frá því að nokkur af hárunum þarna í miðeyranu hafi skemmst!! Vonandi ekki nóg til þess að medicalið fari í vitleysu. Lofaði sjálfum mér því og stend við það (þar til annað kemur í ljós) að þetta er í allra síðasta skipti sem ég fer á Nasa.

Nú eftir stóð ég einn úti á götu og vissi ekkert hvað ég ætti af mér að gera. Hringdi í Davíð Brá en þá var hann á heimleið í taxa. Þannig að ég rölti mér á Café Kozý og það var nú meiri skelfingin sem blasti við mér þar. Þvílíkt og annað eins samansafn af lufsum hef ég bara ekki séð um mína ævi. Fastagestir hússins að sjálfsögðu dauðir í horninu að vanda og allt þar fram eftir götunum. Var nú ekki lengi að láta mig hverfa þaðan eftir að hafa innbyrt einn öl og hugsað um hvað það er leiðinlegt að djamma á Íslandi. En ekki var öll nótt úti enn.

Ég rölti mér út og athugaði hvort Anna væri enn að vinna á Kaffi Reykjavík, en nei nei þeir höfðu vit á að loka snemma og fara heim að sofa. Þá var ég svona alvarlega að skoða möguleikann á að fara bara heim og rölti mér niður Hafnarstrætið til að athuga stöðuna á Nonna Bita en minnist þess ekki að hafa nokkurn tíma litið þar inn. Var kominn á Lækjartorg þegar Ísarr hringdi og heimtaði að ég kæmi með sér á Hressingarskálann, betur þekktur sem Hressó. Ég hélt nú ekki, sagði að fyrst yrðum við nú að kíkja á ómenninguna á Nelly's. Nú þar var leiðinlegt að vanda þannig að við drifum okkur á Hressó og þar sló nú alveg botninn úr. Ekki veit ég hvað er að gerast þarna í Austurstrætinu en ég held að síðan Berlín lokaði þar fyrir um áratug hafi allt djamm í þeirri götu farið niðurávið. Skemmst er að minnast Astró sem var nú án efa leiðinlegasti skemmtistaður í heimi, svo breyttist hann í Pravda og ekki skánaði ástandið og Hressó held ég að hafi skilað mun betri árangri sem skyndibitastaðurinn McDonalds.

Nú svo dreif ég mig nú loksins af stað heim um kl 0530 og beið eftir leigubíl til 7. Hefði betur bara gengið í Hafnarfjörðinn, kom við á Select og fékk mér djúsí pulsu með kartöflusalati, hráum lauk og tómatsósu og held svei mér þá að það hafi verið skemmtilegasti hluti kvöldsins, eftir að hafa yfirgefið félagsskapinn á Nasa.

En jæja

Þá er ég búinn að koma þessu djammi af mér og bið að heilsa í bili.

Ingi Björn

Alltaf nóg að gerast hjá Inga Birninum

2005-08-20T20:25:00.000Z

Halló Halló

Ég er sem sagt enn á lífi og við góða heilsu. Bara svona ef einhver skyldi hafa látið sér detta í hug að ég væri týndur og tröllum gefinn. Hvað er Ingi Björn búinn að vera að gera allann þennan tíma spyr margur sig og svarið er..........VINNA. And there it is then. Er búinn að vera í vinnunni að meðaltali 18 tíma á dag enda Siggeir svo sem harðgiftur og floginn til Manchester eins og er þannig að ekki hittir maður hann og Hjalti er jú alltaf á ferð og flugi og aðrir vinir mínir eru jú annaðhvort vinnualkar eða að vinna með mér þannig að þar stunda ég mitt félagslíf. En þessa dagana eru stærri plön í gangi og er Ingi Björn að ganga fram að sér með vinnu til að eiga fyrir flugnámslokum sem munu fara fram síðar á þessu annars ágæta ári.

En hvern hittir maður ekki á Keflavíkurflugvelli í dag aðra en Cameron Diaz. Hún var svo sem á Frisco fluginu sem ég var að rampast með og leit út fyrir að vera allavega fimmtug. Tjah ég segi nú kannski ekki fimmtug en allavega 10 árum eldri en á sjónvarpsskjá og hvítu tjaldi. Upplausnin á henni er sem sagt ekki jafngóð og á hvíta tjaldinu. En það er svo sem ekki öllum gefin þessi eilífðarfegurð sem háir mér sýknt og heilagt. Skemmst er að minnast að við Anna lentum jú illa í Könunum í apríl vegna fegurðar. Takandi myndir í tíma og ótíma og ég veit ekki hvað og hvað.

En nú er Menningarnótt að ganga í garð hvað á hverju og mun ég fara umsvifalaust á djammið núna.

Nóg í bili

Ingi Björn

Hér er bloggað enn á ný

2005-04-12T11:59:00.000Z

Heil og Sæl og afsakið hvað líður langt á milli blogga......

......en sannleikurinn er sá að ég hef bara voða lítið að blogga um. Hitt er annað mál að nú hefur nóg gerst á síðustu dögum þannig að nú get ég bloggað um það.

Byrjaði síðustu viku á því að leigja mér The Notebook sem hinn hollenski Kos var búinn að mæla svona ægilega vel með. Ekki varð ég fyrir vonbrigðum með þá mynd, komst í góða snertingu við kvenlegu hliðina mína og grenjaði bókstaflega úr mér augun. Svona líka ægilega fín og sæt mynd með góðri og fallegri sögu.

Eftir að hafa komið augunum á sinn stað aftur skrapp ég með Siggeiri og hans stúlku Rakel, ásamt Önnu vinkonu til Ameríku eða nánar tiltekið Minneapolis. Þar versluðum við svona ægilega mikið og þá sérstaklega Siggeir og Rakel, en Anna var örlítið hógværari og ég jafnaðist á við nánös enda litlir peningar til í þessari ferð, geri bara betur næst. En þó fjárfesti ég í DVD útgáfunni af The Notebook svo ég gæti haldið áfram að æfa tilfinngasemi mína.

Annars var svona ægilega gaman í Minní, skoðuðum einhver ofboðslega há og fín háhýsi og þar með er allt talið sem hægt er að gera í þeirri borg. Fyrir utan mollið náttla. En þar skoðuðum við og keyptum helling af hlutum.

Hitt er annað mál að í Ameríku fór fólk hamförum í að hrósa okkur Önnu fyrir afburða fegurð. Það var nánast sama hvar við komum, þetta var altalað. Mest ræddum við þetta sjálf, en þó eins og áður hefur komið fram var minnst á þetta við okkur hvað eftir annað. Til dæmis stóðum við uppúr í WallMart en það er svo sem búð fátækra fata og hluta þannig að það er kannski ekkert skrýtið. Þannig að húrra fyrir Ameríkönum að hafa svona gott auga fyrir íslenskri eðalfegurð.

Ég vil nýta tækifærið og óska Jóa Magga til hamingju fyrir að láta reka sig úr hinum danska lýðháskóla sem hann var í, en það þykir mikið afrek, þar sem meðal Dani er ægilega ligeglad og þarf mikið að ganga á til að þeir æsi sig. Annars hef ég alltaf sagt að lýðháskólar eru bara fyrir háskólalýð og ekki flokkast Jói undir slíkan.

Meira seinna, vonandi með styttra millibili en gengur og gerist á þessu blessaða bloggi.

Ingi Björn

Jol a Islandi, skelfingar i Asiu, nytt ar og Sushi i Køben

2005-01-04T03:32:00.000Z

Komidi sæl

Nu thad er ordid svo langt sidan madur hefur bloggad her ad madur veit bara ekkert hvar madur a ad byrja. Byrja sennilega bara a thvi ad oska heimsbyggdinni allri gledilegra jola og gledilegs ars 2005. Jolin hja mer voru bara mjøg god, ma segja ad eg hafi sloppid nokkud vel thar sem thau lentu a helgi og eg a helgarvakt. En var bara ad vinna 0530-0930 a adfangadag, i frii allann joladag og svo var full 12 tima vakt a annan i jolum.

Og tha dundu skelfingarnar yfir eda "Tsunami disaster" eins og thad er kallad a øllum erlendu frettastødvunum. En thad hafa væntanlega flestir heyrt um og er nu tala latinna komin upp i 125,000 sidast thegar eg heyrdi. Thegar eg sa thad i sjonvarpinu vard mer hugsad til Ola Høsk sem sagdi i vinnunni a manudeginum ad tala latinna væri komin upp i 4,500 sem væri alveg skelfilegt. Ekki er astandid ad batna skilst mer en tho er neydarhjalp komin a fullt skrid og vonandi fer thetta nu ad skana. En thad er ekkert leyndarmal ad aumingja Ingi Bjørn bara gret ur ser augun vid thonokkur tækifæri thegar horfdi eg a frettirnar enda skelfilegt ad heyra og sja thetta. Nog um thad.

Fyrir tha sem eru ad velta fyrir ser af hverju eg skrifa med svona støfum, tha er eg a hoteli i Køben ad blogga thetta en her erum vid Palli ad eyda aramotunum. Hann a djamminu og eg vid tølvuskja :) Eg laga kannski stafina thegar heim verdur komid. Thad er buid ad vera mjøg gaman hja okkur og Palli djammar a hverju kvøldi en eg er nu ordinn svo gamall ad vegna heilsufarsastædna get eg adeins djammad svona eins og annan hvern dag. Tok tho tvo daga i rod svona undir blaendann a arinu en vid komum einmitt hingad a fimmtudeginum og kiktum tha adeins ut og svo var nattla gamlarskvøld a føstudeginum. Høfdum thad svona ægilega fint a gamlarskvøld, bordudum godan mat og forum svo a djammid og vorum ad langt fram undir morgunn eda til klukkan 9. Tha var haldid a hotelid og var undirritadur hreint ut sagt farveikur (ur thynnku samt) a fyrsta degi arsins 2005 og komst ekki fram ur ruminu fyrr en klukkan 2 nottina eftir.

Svo forum vid a sunnudsagskvøldinu ut ad borda med Joachim og Mette kærustunni hans og i samradi vid Palla drogu thau mig a Sushi stad an thess ad lata mig vita, vitandi ad ødruvisi hefdi thad nu ekki tekist. En viti menn, thetta var svona ægilega finn stadur og bordudum vid helling af hraum fiski og hrisgrjonum og var thad alls ekki slæmt. Thau heimtudu ad dyfa øllu heila klabbinu oni Sojasosu og søgdu ad svoleidis ætti ad borda thetta en eg gerdi thad nu bara nokkrum sinnum og their bitar sem eg bordadi svoleidis voru bara med Sojabragdi og fannst mer thad skemma thennan fina mat thannig ad eg hætti thvi mjøg fljott. Svo kitkum vid adeins ut a lifid eftir thessa reynslu og skemmtum okkur mjog vel fram a rauda nott. Svo var eg nattla halfslappur i dag og gerdi thvi litid af thvi ad fara ut, rett kikti i 1 øl og svo bara heim en thad er ekki ad honum Palla ad spyrja, hann er nattla a hørkudjammi eins og honum einum er lagid. Meira hvad drengurinn hefur gott thol. En thetta er ungt og leikur ser :)

Hvad um thad, nu styttist i heimkomu, pabbi kemur hingad a morgun til thess ad fara a einhverja fundi og ætlar hann ad bjoda okkur i mat a Apotekinu en hann er einmitt yfir sig hneyksladur a ad vid høfum aldrei komid thangad. Svo er thad bara verslunarleidangur hja mer (og kannski Palla, fer eftir thvi hvenær hann kemur heim og vaknar) a morgun og sennilega midvikudaginn lika. Tharf ad versla mer nokkrar biomyndir ad vanda og minniskubb fyrir nyju stafrænu myndavelina mina sem eg keypti i frihøfninni a leidinni ut.

Læt thetta gott heita i bili!!

Med venlig hilsen fra kongens København!

Ingi Bjørn

Jólabolla Icelandair og fleiri nöfn á listann!!

2004-12-06T09:06:00.000Z

Jæja góðan dag kæru lesendur!!

Þá er eitt stærsta djamm ársins liðið og bíð ég spenntur eftir að næsta bolla hefjist. En hin árlega jólabolla Icelandair var haldin hátíðleg á Kaffi Reykjavík á föstudagskvöldið síðasta og var Ingi Björn í góðu stuði og mikið ölvaður. En þó ekkert í líkingu við ónefnda flugumsjónarmenn. Palli litli ætlaði nú að koma með mér og var búinn að hlakka mikið til en svo var hann eitthvað slappur greyið og komst ekkert. Það verður að hafa það, enda styttist óðum í Köben 2004 og svo kemur hann bara með á næsta ári. Halldór Búi kom bara með í staðinn. En við hófum sem sagt herlegheitin í mötuneyti FLE (Flugstöð Leifs Eiríkssonar fyrir þá sem ekki hafa fylgst með blaðaskrifum um verslunarrekstur í FLE) en þar var haldin jólabolla IGS. Þetta er svona venjan að dótturfyrirtæki Icelandair haldi sína jólabollu sama kvöld og mamman, en þó er hún yfirleitt búin snemma eða um 10 leytið í okkar tilfelli og þá bruna allir beinustu leið í bæinn.

Þegar í bæinn var komið ákvað Dóri að koma bara og djamma með okkur. Var það mikið gaman. Við héldum beinustu leið á Kaffi Reykjavík og þar vorum fram eftir nóttu eða þar til flestir flugmenn, flugfreyjur, flugvirkjar, ramparar, hlaðmenn og fleiri voru komnir vel í bleyti en héldum við Ástrún ásamt Dóra, Gumma flugstjóra og Kalla frakt á Nonna homma og dönsuðum þar frá okkur allt vit. Enduðum svo á Sálarballi á Naza og eins og venjulega var það sóun á þúsundkalli sem hefði mátt nýtast betur. Ekki að Sálin sé svo hrikalega slöpp en staðurinn hins vegar er með þeim leiðinlegustu í bænum. Svo var bara haldið heim frekar snemma á Inga Björns mælikvarða eða um 5-leytið. Hef ég ekki verið þekktur fyrir að koma svona snemma heim svo árum skiptir. Mátti samt ekkert við því að vera mikið lengur.

Hitt er annað mál að smá uppfærsla er komin á link-síðuna mína en þar er Halldór Búi farinn út þar sem hann tók ákvörðun um að hætta bloggi og ekki er verri manneskja komin inn í staðinn eða Imba Rampur stórvinkona mín. Eitthvað skilst mér að hún eigi af myndum frá bollunni en myndavélin varð samt bensínlaus snemma kvölds. Hins vegar bendi ég á Vinnusíðu Icelandair ef fólk vill skoða myndir.

Kominn tími á morgunmat og svo er að pakka fyrir Kaupmannahafnarferðina á morgun!! Lifið heil!!

Til hamingju Icelandair

2004-11-27T09:54:00.000Z

Hér er allt við það sama, búinn að vera í vinnu núna á hverjum degi síðan sunnudaginn síðasta. Og alltaf er nóg að gera hér á vellinum nema kannski helst núna en nú er einmitt ekkert að gera. Höfum samt ekki miklar áhyggjur af því, vegna þess að á morgun er sunnudagur og þá er meira en nóg að gera. En hér sit ég sem sagt aleinn og yfirgefinn, sendi Robba heim og þjónustustjórann í djúpslökun.

Innilegar hamingjuóskir til Siggeirs en eins og ég bloggaði hér áður um fór hann í inntökupróf hjá Icelandair og kom svona vel út úr þeim að þeir réðu hann til starfa. Einnig vil ég óska Icelandair til hamingju því betri mann hefðu þeir tæplega getað fengið til sín. Annars er þessi ráðning búin að vera afar furðuleg og nóg búið að týna af FOD af rampinum, því verður ekki neitað. Tölum samt ekki um það hér.

Annars er ég á leið til Köben núna 7. - 9. des, kíkja á jólahlaðborð og soleis. Alltaf gaman í jólastemningunni í Kaupmannahöfn. Svo fer ég þangað aftur um það bil 3 vikum seinna í hina árlegu áramótaferð okkar Có-Páls. Sú ferð verður ívið lengri eða ein vika. Förum út þann 30. des og komum heim 5. jan að ári.

Annars er nú bara ekki mikið að frétta þessa stundina. Lifið heil!!!

Jólasnjór, jólasnjór la la la la la......

2004-11-16T18:22:00.000Z

Jæja þá er kominn svona ægilega fínn jólasnjór og öll trén farin að síga undan þunganum. Alltaf hefur mér fundist það skemmtilegasti snjórinn, svona mjúkur og fínn. Annars er þessi aðeins of blautur, mætti vera örlítið þurrari. Eru ekki allir komnir á nagladekk? Ég fór og lét skipta í dag, lenti næstum því á ljósastaur á leiðinni en rétt slapp og keyrði á tré í staðinn. En það var allt í lagi því bíllinn skemmdist ekkert, ég slapp ómeiddur og tréð varðar mig hreint ekkert um, veit ekkert hvað er verið að þvæla slíku á umferðareyju, það bíður bara upp á að einhver keyri það niður og nú er ég búinn að því. Verra hefði verið með staurinn, því maður verður nú allavega að sjá eitthvað til að geta svo keyrt á það.

Annars eru nú þessir fínu staurar á "brautinni" sem kennd er við Reykjanes og eiga þeir að gefa undan og leggjast niður þegar maður keyrir á þá. Snilldarhönnun, bara eitt vandamál. Þeir virka ekki. Sem sagt þeir standa sem fastast þegar fólk keyrir á þá og fyrir vikið deyja sumir og aðrir lamast fyrir lífstíð eins og Valli bróðir hennar Anitu. Maður getur svo sem skilið af hverju þeir eru svona vel festir niður, getið ímyndað ykkur hvernig þessir staurar væru í íslenskri veðráttu, á fleygiferð út um alla braut allan ársins hring. En til hvers þá að vera sóa penginum í þá. Persónulega hefði ég viljað sjá evrópskt hugvit við uppsetningu þessara staura og fá ljós sem hanga yfir brautinni og einstaka staurar inn á milli til þess að halda þessu á sínum stað.

Nóg um það...

Hitt er annað mál að þegar ég var að keyra heim úr Skeifunni (þar sem ég lét skipta um dekk) þá fyrst missti ég mig. Ég held ég hafi verið hátt í klukkutíma á leiðinni enda keyrði enginn hraðar en 30. Setjiði nú almennileg dekk undir bílana ykkar og komið ykkur áfram. Það er nú engin ástæða til þess að missa sig þótt það snjói aðeins. Mest megnis var ég nú bara fastur á Bústaðaveginum, en loks þegar ég komst út á Hafnarfjarðarveginn þá fór þetta nú aðeins að gerast en þá tók annað við sem ég er búinn að hlæja að svo árum skiptir.Þið hafið eflaust tekið eftir þessu, en þegar byrjar að snjóa á Íslandi þá missir fólk allt sem kallast situational awareness og færir göturnar til hliðar. Skiljiði hvað ég er að fara. Akreinar færast um metra til annaðhvort hægri eða vinstri. Í mínu tilfelli var þetta soldið skondið því ég var á vinstri akrein. Hægri akreinin færðist til vinstri og þar af leiðandi mín akrein líka og endaði útí skurði. Hins vegar voru alveg 3-4 metrar úti kantinn hægra megin. Svo þegar maður kemur að ljósum þá er eins og fólk átti sig aðeins því það stefnir jú beinustu leið á umferðarljósin, og þá færist allt tilbaka í smástund. Svo tekur maður líka eftir því hvað fólk keyrir mikið utan vegar þegar byrjar að snjóa, allt í einu byrja að myndast hjólför á ólíklegustu stöðum. Um árið var ég til dæmis að keyra á Sogaveginum, á milli Bústaðavegar og Tunguvegar. Þá er á hægri hönd (ef maður er á leið að Bústaðaveginum) brekka og garðar hjá fólki og þar hef ég séð hjólför sem liggja upp brekkuna og inn í limgerði og svo niður aftur. Og ekki bara einu sinni heldur nokkrum sinnum, þetta er á hverjum vetri.

Merkilegt.............

Connie and Carla

2004-11-16T03:03:00.000Z

Alltaf bætist fólk á listann minn hér hægra megin. Nýjustu meðlimirnir eru Palli Einars, eða Palli Bó eins og hann er kallaður af mér og Jóndi litli frændi (samt bara barnaland síða, hann kann náttla ekkert að skrifa og enn síður að lesa). Góður strákur hann Palli sem ég er búinn að þekkja svo áratugum skiptir eða þannig. Fyrsta dragreynslan mín var einmitt með honum þegar Inga Silja, Erna og Sif tóku sig til og stríðsmáluðu okkur eftir Drag námskeið í Flensunni. Hefðum ekki meikað það feitt á Jóni forseta en vorum nú samt flottastir!! Eftir þessa lífsreynslu kom náttla lítið annað til greina en að við yrðum vinir og fórum að stunda 22 saman á fimmtudagskvöldum svona til að hafa afsökun til að skippa frönskunni kl 8 á föstudagsmorgnum. Góðir tímar það. Svo unnum við saman á Nelly's seinna meir, og nú er hann nýbúinn að eiga ammæli. Til hamingju með það Palli minn!!!

Hins vegar talandi um drag, þá var ég að horfa á um daginn myndina Connie & Carla sem ég bloggaði um hér um daginn. Þessi mynd er náttla bara fyndin eins og allt sem Nia Vardalos kemur nálægt. Mæli eindregið með henni. Fjallar um tvær söngkonur sem eru að reyna að meika það en gengur ekki vel, enda ráðnar til að syngja á bar á O'Hare flugvelli í Chicago og það er ekki besti staðurinn til að meika það nema kannski helst að það fara öll flug þaðan í slíka seinkun að farþegarnir eru náttla allir miklu lengur á barnum en þeir ætluðu sér. Minnir soldið á Iceland Express. Förum ekki útí þá sálma.

Nema hvað að þær verða vitni að því að bareigandinn er skotinn í hausinn á bílastæðinu vegna fíkniefnamáls. Hafði hann komið 2 kg af kókaíni fyrir í tösku Connie & Cörlu. Þannig að þær verða að flýja og fara til L.A. Þar er ekkert fyrir þær að gera, þannig að þær fara á hommabar g þegar er auglýst eftir nýjum dragdrottningum þar til að skemmta þá byrjar farsinn. Þær eru konur sem þykjast vera kallar sem eru að troða upp sem konur. Flókið. En sem sagt, helvíti skemmtileg mynd og mæli ég eindregið með henni eins og áður sagði.

Nú ætla ég hins vegar að koma mér í meira jólaskap, þótt ekki sé á það bætandi svona miðað við dagssetningu og glápa á Santa Clause, sem ég keypti í Minní. Samt gömlu góðu sko, ekki Tim Allen.

Góðar stundir.........

Ansi nálægt......

2004-11-15T18:21:00.000Z

.......var ég þegar ég giskaði á að hafa eytt um 60 þúsund kalli í Minní. Þar sem ég er svo sniðugur að vera með fyrirframgreitt kreditkort er auðvelt fyrir mig að fylgjast með eyðslunni í heimabankanum. Og viti menn, allir reikningar frá Minní eru komnir og hljóða upp á 60,202 krónur. Þar bætum við við flugmiðanum og fáum út að þessi ferð kostaði í það heila 67,562 krónur og er það ekki slæmt fyrir slíka ferð.

Hins vegar sá ég comment frá Siggeiri á þessari ágætu síðu minni um að Rakel væri með bloggsíðu og bæti ég nú linknum inn á og biðst afsökunar á því að hafa yfirsést link hennar í kojudrykkju minni fyrr á þessum sólarhring.

Nóg um það í bili.............

Kojudrykkja og áskorun á Rakel!!

2004-11-15T03:29:00.000Z

Kom við í fríhöfninni á leið minni frá Minneapolis og keypti kippu af Tuborg Julebryg!!! Fékk svo yfir mig fyrr í nótt að fá mér nú einn. Er núna á þriðja og líður vel, hehe. Sit hér aleinn með minn öl, og jólatónlist enda svo sem kominn jólasnjór og ég náttla jólabarnið sem ég er. En víkjum að áskoruninni;

Var að enda við að bæta linkum inn á bloggið mitt, skellti Ásgeiri ballerínu, Vigni arkitektúr, Georg söngvara, Skildi altmuligmand og Mumma Steinbach inn á síðuna mína. Allt saman stórmerkilegt og skemmtilegt fólk. Og ég segi fólk því þrátt fyrir að vera allt saman strákar þá segir það ekki margt. Hins vegar leitaði ég lengi að link inn á blogg hjá Rakel Siggeirsstúlku en ég veit svo sem ekkert hvort slík síða sé til. Kynntist henni lítillega í afæmlispartýi Siggeirs og Mumma í október en þar sem hún og einn af mínum betri vinum eru jú par þá finnst mér að ég eigi að kynnast henni meira. Eftir Minneapolis ferðina þekki ég hana enn betur, fer ekki nánar útí það. Það er samt ekkert skrýtið að við þekkjumst svona lítið því að eftir að ég flutti mig yfir í nýja deild og þurfti að skipta um vakt þá erum við Siggeir á öndverðum meiði hvað varðar vinnutíma, sem sagt á sitthvorri vaktinni og þegar ég er að vinna þá er hann í fríi og öfugt, þannig að við hittumst orðið lítið, sem er ekki nógu gott eins og við vorum nú samrýmdir fyrir þessi ósköp öll. Hittumst upp á hvern dag nánast. Og ekki bloggar hann nema einu sinni á ári eða svo. Eyddum nú samt um það bil 60 klst saman um helgina enda vorum við jú saman í Ameríku.

Punchline: RAKEL, ef þú ert með blogg, þá heimta ég að fá linkinn inn á það til að kynnast þér betur. Ef ekki, þá skora ég á þig að þú byrjir að blogga svo ég geti fylgst aðeins betur með ykkur skötuhjúunum. Einnig heimta ég að við förum að hittast, því öðruvísi kynnist ég þér ekkert, það er nú bara þannig og veit ég eftir stutt kynni okkar að þú ert stórskemmtileg og allt sem því fylgir!!!!!!

Og við minn Siggeir segi ég: Þú kemur þessum skilaboðum áleiðis!!!

"Boston" ferðin góða var snilld!!!

2004-11-15T00:55:00.000Z

Jæja, þá er maður búinn að fara til Ameríku í fyrsta skiptið. Og ferðin var sko alls ekki af verri endanum. Skrapp með Siggeiri á fimmtudaginn, og var ferðinni heitið til Boston. Fór ekki betur en svo að vélin var rúmlega full og við enduðum í Minneapolis. Og sáum alls ekki eftir því. Byrjuðum á því að detta rækilega í það á leiðinni enda ókyrrðin svo mikil að ekki var hægt að sofa, og hvað gerir maður annað sem farþegi í 6 klukkustunda og 27 mínútna flugi (sem var nú samt aðeins lengra) en að detta í það. Þannig að við vorum komnir vel í glas þegar vélin lenti enda fengum við svona ægilega fínan service hjá freyjunni með hreiðurgreiðsluna sem hellti í okkur hvítvíni og púrtvíni og sátum í svona ægilega fínum Saga Class sætum.

Þegar til Minneapolis var komið byrjuðum við jú að sjálfsögðu á yfirheyrslu frá bandaríska innflytjendaeftirlitinu sem ég kýs að kalla Útlendingastofu enda útlendingar í þeirra landi. Sluppum þó í gegn án nokkurra vandræða og Ingi Björn tvisvar af því þetta fólk hefur ekki vit á að hafa neitt klósett nema fyrir innan hliðin. Náðum svo í töskurnar okkar og hlupum beinustu leið út að reykja. Þaðan tókum við svo hótel skutluna á hótelið og refreshuðum okkur aðeins áður en við fórum svo aftur með skutlunni og fundum okkur súpermarkað þar sem við keyptum alls konar drasl og ekkert af því var hollt nema kannski helst People Magazine sem við gleymdum að lesa. Sáum hins vegar óendanlega mikið af hlutum sem við ætluðum að kaupa áður en við færum heim eins og til dæmis bakaðar Doritos flögur og Trix en fórum svo ekkert aftur í súpermarkaðinn. Þaðan var stefnan sett á Burger King og svo aftur á hótelið með þessari blessuðu skutlu sem er alveg snilld. Maður þarf ekki að labba nokkurn skapaðan hlut, þetta hótel sér manni bara fyrir transport hvert sem maður fer (almost). Fórum svo bara beinustu leið að sofa enda klukkan orðin 4 á Íslandi.

Vöknuðum kl 8 á föstudeginum eldhressir og eftir morgunsturtuna var stefnan sett á morgunmat og þaðan beinustu leið í snilldina eða eins og hún heitir hjá innfæddum "MALL OF AMERICA". Vorum komnir þangað um kl 10:30 og út aftur um kl 18:30. Enda nóg að sjá og versla þar. Kíktum svo með allt draslið upp á hótel og beinustu leið út aftur og tókum þá leigubíl í eina skiptið í ferðinni úti í næstu Best Buy verslun. Lentum á þessum líka fína Sandnegra með múslimateppi og allann pakkann við hliðina á sér og hann spurði hvort hann ætti ekki að koma aftur og sækja okkur kl 21, jújú sögðum við og grunaði aldrei að maðurinn kæmi aftur en jú viti menn, birtist hann ekki á slaginu 21 og skutlaði okkur aftur upp á hótel sem var eins gott, enda með heilu græjurnar með okkur. Fórum svo á Jensen Supper Club sem er svona ægilega fínt steikhús þarna einhvers staðar í kringum hótelið og fengum þar bestu nautasteik sem ég hef smakkað um ævina. Mæli eindregið með þeim stað ef þið eruð á leið til Minní. Drukkum eina bokku af rauðvíni með steikinni og vorum svona aðeins að hífast þegar við komum aftur upp á hótel kl 23:30. Þá var nú ekki seinna vænna en að fara að sofa enda stór shopping dagur framundan.

Vöknuðum svo enn fyrr á laugardeginum eða kl 7 og byrjuðum á því að pakka, borða morgunmat og gera herbergið klárt fyrir Check-out. Skutluðum svo töskunum í geymslu og fórum aftur í Mallið. Versluðum enn meira til kl 16, en þá tókum við skutluna upp á hótel aftur og fórum og hentum restinni af versluninni í töskurnar og héldum svo út á flugvöll þar sem Júlíanna Svandís beið eftir að flytja okkur og allt okkar hafurtask heim.

Gaman að segja frá því að við fórum út með 3 töskur upp á samtals 10-15 kg en komum heim með 4 upp á örugglega hátt í 60-70 kg. Og alls ekkert svo mikið minna af peningum í vasanum en þegar við fórum um borð í vélin hér. Ég held ég hafi ekki eytt nema um 60 þúsund kalli í mesta lagi, með hótelkostnaði inniföldum. Og þykir mér það ekki mikið miðað við að ég endurnýjaði fataskápinn með fínni merkjavöru sem hefði aldrei kostað minna en svona 200 þúsund kall hérna heima og allar jólagjafir komnar.

Sem sagt ægilega fín "Boston" ferð.

Jamm og Jæja

2004-10-26T06:32:00.000Z

Jamm, jamm

Hér er allt við það sama. Nú er maður kominn úr sumarfríinu og í gömlu rútínuna, vinna sofa og borða. Ágætt samt, því eftir fyrstu 2 vikurnar í sumarfríinu er manni farið að leiðast meira en hollt getur talist.

Kíkti aðeins út með Ísarri og Palla á föstudagskvöldið og var bara mjög gaman hjá okkur. Byrjaði heima hjá Ísarri og þar fengum við nokkra létta, og svo kíktum við á forsetann og Viktor og Café Kozy. Dönsuðum frá okkur allt vit á forsetanum en vorum aðeins rólegri á hinum stöðunum enda ekkert hægt að dansa þar. Fékk lánaðan heimasímann hjá Ísarri og hringdi í Þorgerði stórvinkonu mína, en hana hittir maður sjaldan núorðið þar sem hún er jú kasólétt.

Svo var laugardagurinn bara rólegur og fór að mestu leyti í "operation". Sama saga á sunnudeginum og svo var það bara vinnan á mánudeginum. Og hér er ég búinn að sitja síðan, eða svona að mestu leyti, kíkti einmitt aðeins heim í mat og svo svaf ég á mínu græna þar til nýr vinnudagur hófst. Missti af rútunni, hnuss, eitthvað hefur hann verið að bruna í morgun.

Horfði á The Day After Tomorrow í fyrradag og svo áfram í gær þar sem ég náði ekki að klára hana. Nokkuð góð mynd bara, en kom mér samt mikið á óvart að það virtist vera afar auðvelt að fljúga um á þyrlum í öllum hvirfilbyljunum. Merkilegt.

Ný vinna, Seinkanir og flugrúta

2004-10-20T09:32:00.000Z

Jæja, jæja, þá er ég kominn í nýja starfið og hellingur að læra. Fullt af flóknum tölvukerfum og svo framvegis sem eru samt ekkert svo flókin við nánari skoðun enda framleidd af SAS og eru þar af leiðandi sænsk og idiotproof.

Annars er allt í bullandi seinkun hér eins og fyrri daginn og Osló enn á stæði þrátt fyrir að eiga að hafa farið fyrir 2 klst síðan. Iceland Express vélin sem alltaf bilar er að sjálfsögðu biluð líka og fer ekkert nærri því strax. Icelandair er hins vegar að standa sig aðeins betur í dag heldur en Expressinn og skipti bara um vél og er hún að fara innan skamms, Express hins vegar ætlar bara að láta sitt fólk bíða þangað til vélin er komin í lag.

Í gær tókum við Siggeir vinur minn okkur til og tókum rútuna í vinnuna og komumst að því að það er ágætis ferðamáti. Tökum hana við Fjörukránna í Hafnarfirðinum um kl 05:00 og erum komnir suðureftir áður en vinnan hefst kl 05:30. Tökum svo rútu frá KEF kl 17:45 og erum komnir heim um 18:20 eða svo. Á þessum fyrsta degi hins vegar var svo slæmt veður á Akureyrinni að Flugfélagið hafði ekkert getað flogið allan daginn og leigði því þotu frá Flugleiðum til að geta farið með alla í einni ferð í stað fjögurra og átti sú vél að fara til Reykjavíkur frá Keflavík einnig kl 17:45. Þannig að við vorum bara sniðugir og tókum flugið í bæinn í stað rútunnar enda mun fljótlegra. Þetta var nú með verstu flugferðum sem ég hef upplifað og er ánægður með að hún var ekki lengri en 5 mínútur. Endaði svo með því að flugstjórinn sem ekki verður nefndur á nafn hér, hreinlega tók sig til og krassaði vélinni í brautina. Anna vinkona þekkir til lendinga SAS og það get ég sagt þér Anna mín að sú lending var brandari miðað við þessa. Ég átti nú ekki von á því að komast lifandi frá þessu eða þannig. Langt þangað til ég fæ far með þessum manni aftur.

Nú er Siggeir í flugmanns inntökuprófi hjá Icelandair og óska ég honum hér með góðs gengis.

Læt þetta duga í bili.

Varð bara að skella þessu inn.....

2004-10-15T03:49:00.000Z

.....til að gera sumt fólk afbrýðissamt. Fór sem sagt á www.quizilla.com og tók próf hvaða 80's tónlistarmaður ég væri. Og hér er niðurstaðan. MY IDOL!!!

You're going to let it be known that you are a sexual being. Some people may be offended by what you do, some will be amused, and some will be turned on. In the future, you will mysteriously acquire a British accent.

Enn af hálsbólgu og afar ópatent sænsku heilbrigðiskerfi!

2004-10-15T03:28:00.000Z

Góðir hálsar

Ég er afar ósáttur við heilbrigðiskerfi Svía í dag og þykir það í hæsta máta Ópatent. Ástæðan fyrir þessu er sú að litli frændi minn (Jóndi Sverra og Dönu) er búinn að vera með eitthvað í hálsinum undanfarið, og við nánari skoðun úrskurðaði læknirinn hann með barnaveiki svona alveg út í bláinn án þess að skoða málið neitt nánar. Að sjálfsögðu var familían öll í sjokki, enda barnaveiki stórhættuleg og dregur yfirleitt til dauða (samkvæmt Landlæknavefnum allavega). En þau fóru sem sagt með hann á spítalann í nánari athugun og þá kom í ljós að hann er bara með barnaastma. Og er þar stór munur á. En að láta sér detta í hug að hræða svona líftóruna úr fólki finnst mér afar ópatent eins og áður sagði og óábyrgt af læknum. Og skora ég hér með á sænska lækna (og Íslendinga sem hafa stúderað í Sverige, hafi þeir lært þessar aðferðir) að skoða sinn gang og endurskoða aðferðir sínar.

Af minni eigin hálsbólgu er það hins vegar að frétta að hún er loks á undanhaldi og er horfin með öllu hægra megin, þar sem meinið var fyrst. Það er örlítill vottur af henni vinstra megin ennþá, en ég vonast til þess að hún verði farin þegar ég vakna á morgun. Sem sagt engin kirtlataka strax hjá mér.

Kláraði Starquest heimsreisuna í FS í dag og er errið núna í Washington og á ég bara eftir að fljúga henni til Bournemouth, rífa úr henni sætin og svo direct Keflavík.

Annars bless í bili.....

Hálsbólga, hálsbólga, hálsbólga!!

2004-10-13T23:37:00.000Z

Enn er hálsbólgan við lýði og virðist engann veginn vera á undanhaldi. Þannig að annaðhvort virka lyfin ekki, eða þá allavega mjög hægt. Nú er ég búinn með 2 daga af þessum blessaða penicillin kúr og það er ekki einu sinni farið að slá aðeins á hana hvað þá meira. Liggur við að ég segi að það sé farið að slá í hana. En við vonum nú að hún lagist ekki mikið seinna en á morgun því ef ég er enn jafn slæmur þegar ég vakna á föstudaginn, verð ég að hringja aftur í lækninn og þá blasir við hálskirtlataka. Og mig dreymdi einmitt í nótt að ég færi í slíka aðgerð og sökum læknamistaka voru raddböndin tekin í staðinn og ég varð mállaus, við vonum nú að ekki komi til þess, enda skrafhreifinn ungur maður hér á ferð.

Annars er þetta nú orðið hálfgert pestarbæli hérna á Ölduslóðinni. Ég ligg hér með mína frægu hálsbólgu og Edda systir er nú eitthvað búin að vera lasin af gubbupest síðan í gærkvöld, en er nú öll að braggast að sögn. Hún fór nú samt á vídeóleiguna áðan og kom heim hvítari en draugur, þannig að við sjáum nú til með það.

Horfði með mömmu á afar furðulegan þátt á Ztelpuztöð 2 áðan: "Mile High". Tók þessi þáttur við af Footballers Wifes og fjallar um áhafnir hjá breska flugfélaginu "Fresh". Nú það er tæplega í frásögur færandi nema hvað að þetta flugfólk virðist djamma meira en nokkrum manni er hollt, fyrir utan hvað þau vinna ægilega stuttann vinnudag (eitt flug frá London til Spánar og svo crewrest í sólarhring, hmmmmmmmmm). Er þetta fólk á kafi í eiturlyfjum og ég veit ekki hvað og hvað og er allt sýnt í þessum þáttum, sem dæmi má nefna að í þessum fyrsta þætti var sýnt eitt stykki typpi með fullt af pinnum og drasli í og nokkur brjóst ásamt fólki í innilegum samförum. Skrýtinn þáttur þar á ferð.

Annars hefur ekki margt gerst í dag annað en þetta enda hálsbólgan alls ráðandi og ekki fer ég neitt. Jú pabbi skilaði fyrir mig hnakkabílnum og fékk Lufthansa aftur tilbaka í staðinn. Búinn í C-check. Einnig fékk ég Siggeir til að tékka fyrir mig á vaktaskránni og sjá hvort ég væri kominn inn á hana í nýja djobbinu mínu. Og jú viti menn, búið að setja mig á hina vaktina, úff, sem er svo sem allt í lagi af því þetta er inni í Load Control en ekki á hlaðinu. Hefði þetta verið B/D vakt á hlaði hefði ég hætt samdægurs. En þetta reddast svona. Fínir yfirmenn og soleis. Sem sagt, byrja í Load Control á miðvikudaginn eftir viku.

Furðuleg blogg klukka

2004-10-12T22:03:00.000Z

Bara aðeins að tékka hvaða tími kemur hérna. Nenni ómögulega að vera blogga á morgun, í dag if you catch my drift. En nú ætti þetta að vera rétt!!

Chicago, börn, hnakkabíll, hálsbólga og lööööööööööng bið

2004-10-12T21:25:00.000Z

Ég skal segja ykkur það!! Fór til læknis í kvöld og beið þar langalengi eftir að komast að, sem var soldið merkilegt því að ég hringdi fyrr í dag og spurði hvort ekki væri svona vaktlæknir að vinna á Sólvangi eins og var hér áður fyrr. Jú þær héldu nú það, og ekki nóg með það, heldur væri komið svona sniðugt kerfi þar sem maður getur pantað tíma hjá vaktlækni svo maður þurfi ekki að bíða jafn lengi. Þannig að ég hringdi aftur rétt fyrir kl fjögur og var sagt að ég mætti bara koma um 6-leytið, þá væri orðið minnst að gera hjá þeim. Nú ég kom kl sex og beið til kl 19:40, þá var loksins komið að mér. Það var nú ekki seinna vænna því á móti mér sátu þrefaldar mæðgur, sem sagt amma, mamma og dóttir, og voru þær eldri að reyna að kenna þeirri yngstu með því að benda á allt sem þær sáu og segja: "Hvað er þetta? Hvað er þetta? Hvað er þetta? Blessað barnið reyndi að svara eftir bestu getu og dauðleiddist greinilega. Stundum gat það ekki svarað og þá sögðu þær nei nei, þetta er api. Nú ef þið vitið svarið, veriði þá ekki að drekkja aumingjans barninu í spurningaflóði. Nú svo ég fór inn og talaði þar við unga læknastúlku sem tók streptókokkapróf og sagði að það væri neikvætt en hún ætlaði samt að láta mig á sýklalyf þar sem það væri orðið svo langt síðan hún hefði séð svona "ljótan" háls. Þakka pent fyrir það. Þannig að nú ætti mér að fara batna hálsbólgan sem loksins ákvað að vera í öllum hálsinum en ekki bara hægra megin þegar ég vaknaði.

Anne, fyrrum sambýliskona mín (ekki þannig samt), var að skíra um helgina og fór öll familían á Blönduós til að vera viðstödd nema ég, þar sem ég ætlaði mér jú að mæta til afmælisveislu á laugardagskvöldinu sem ekkert varð úr eins og áður hefur komið fram. Hann heitir Aron Máni strákurinn og er Traustason. Sem sagt með upphafsstafina AMT sem ég er ekki frá því að standi fyrir Almenna Tryggingafélagið. Heppinn!! Annars á ég nú alveg eftir að bregða mér norður og kíkja á stráksa. En móður og barni heilsast vel að mér skilst.

En ekki heilsast honum Kára Þormar nágranna mínum svo vel heyrist mér. Mamma kom heim úr vinnuni í gær og þá var sjúkrabíll fyrir utan hjá okkur, og sama ljósið hefur logað í forstofunni hjá honum síðan, þannig að ég dreg þá ályktun að hann hafi farið með bílnum. Fínn karl hann Kári og vonum við að honum batni fljótt og að ekkert alvarlegt sé á ferðum því eins og lagið segir: "Allir þurfa góða granna".

Ætlaði að fara með hnakkabílinn og skila honum í dag, en ég fékk hann einmitt fyrir um viku síðan þegar ég ákvað að senda Lufthansa bílinn í C-check eða stórviðhald fyrir veturinn. Fékk þennan líka forláta Hyundai Coupé í staðinn sem er sannkallaður hnakkabíll með spoiler og alles (sem by the way Hnakkar, gerir ekkert fyrir bíla, en er hannað sem lyftispillari fyrir flugvélar eða "Lift Spoiling Device" og sér til þess að þær "hætta að fljúga" þegar þær lenda) og er mér búið að líða eins og fífli á götum borgarinnar síðan. Enda eins langt frá því að vera hnakki og hægt er. Sit bara náhvítur í bílnum og hlusta á Létt 96,7 í vinnugallanum mínum. En nú er sem sagt Lufthansa tilbúinn og er reyndar búinn að vera það síðan á föstudag en þá var ég að vinna og komst ekki að sækja hann, og síðan er ég búinn að liggja í hálsbólgunni slæmu. En nú er hnakkabíllinn að verða bensínlaus og kominn tími til að skila honum.

Eitt að lokum, skellti disk í DVD spilarann í nótt áður en ég fór að sofa og horfði á Chicago sem ég keypti mér fyrir einhverjum mánuðum síðan en hef enn ekki þorað að horfa á vegna ótta við að þetta væri eitthvað svona Moulin Rouge dæmi, en hún kom "skemmtilega" á óvart. Stórgóð mynd og mæli ég með henni í alla staði. Á morgun kemur svo út mynd sem ég sá auglýsingaposter um í Odense hér fyrr á árinu: Connie & Carla, eftir Nia Vardalos sem er jú bara snillingur. Hún leikur annað aðalhlutverkið en Toni Collette leikur hitt og er jú alltaf gaman að henni líka. Gæti orðið skemmtileg mynd. Svo á fimmtudaginn kemur Super Size Me, og hana verður maður náttla að sjá.

En nóg í bili.

Varúð, dularfull hálsbólga á ferð!!

2004-10-12T10:00:00.000Z

Jæja, þá get ég bloggað eitthvað meira en bara kynninguna mína. Var búinn að krota hana niður og publisha og ætlaði að skrifa eitthvað um daginn í dag en þá fattaði ég allt í einu að kynni ekkert að búa til nýtt post. Og hvað gera menn þá annað en að bíða eftir að Palli komi heim til sín og reddi hlutunum fyrir mann. Því þrátt fyrir að vera flugmaður þá er ég ekkert sérlega tæknivæddur!!

Hitt er annað mál, að síðan á laugardagsmorgunn er ég búinn að þjást af afar dularfullri hálsbólgu og vara hér með við henni. Hún lýsir sér þannig að hún er bara öðru megin í hálsinum, sem sagt hægra megin. Anna stakk upp á því að kannski væri bara enginn kirtill vinstra megin, en ég held faktískt að ég mundi vita af því ef svo væri. Maður veit samt aldrei, en þetta er samt í fyrsta skipti sem ég hef bara fengið hálsbólgu öðru megin. Yfirleitt fylgir svo mikil vöðvabólga af allri rúmlegunni þegar ég fæ hálsbólgu að hún er komin allann hringinn á endanum.

Fyrir vikið missti ég af afmælisveislu Önnu og Palla á laugardagskvöldið og er ég viss um að mín hafi verið sárt saknað, allavega saknaði ég þeirra! Reyndi svo sem að fara og lagði af stað, en varð fárveikur þegar í Garðabæinn var komið, enda frekar veiklulegur bær, og neyddist til að snúa við. Væri nær að leggja eina af þessum frægu Hafnfirsku hjáleiðum framhjá þeim bæ. En Hafnarfjörður er sem sagt yfirfullur af hjáleiðum þessa dagana og illt að komast leiðar sinnar. Frétti samt að hefði verið voða gaman í veislunni. Kem bara á næsta ári krakkar!!

En meira af laugardagskvöldinu er það að segja að þar sem ekkert varð úr afmælisveislum, ákvað ég að að glápa bara á einhverja bíómynd og eftir langa umhugsun varð fyrir valinu Moulin Rouge á DVD sem ég keypti á sem betur fer ekki meira en 1.000 krónur í ELKO um mánaðamótin. Og ég segi og skrifa, þetta hlýtur að vera sú allra lélegasta mynd sem ég hef um æfi mína séð. Nicole Kidman í hlutverki hóru sem fór henni reyndar nokkuð vel enda alla tíð drusla verið að manni skilst á tabloidunum. Og enginn leit heimskulegri út á Emmy verðlaununum en þegar hún var að kynna bestu leikara í aðalhlutverki og á listanum voru Tom Cruise, Russell Crowe og hinn dísæti Jude Law ásamt einhverjum 2 öðrum. Og það verður víst ekki af honum Ewan McGregor tekið að hann er jú alltaf myndarpiltur, og ágætis leikari, en að láta þetta fólk klifra upp á húsþök og reyna að syngja, úfffffffff!!!! Í hvert skipti sem hann opnaði munninn fékk ég svo mikla hlustaverki að ég hélt á tímabili að ég væri kominn með eyrnabólgu ofan á hálsbólguna. En svo slæmt var það nú ekki. Nicole var svona eilítið skárri en ætti samt að halda áfram leiklistinni. Ég veit um allavega 5 fólk sem halda ekki vatni yfir þessari mynd, nefni engin nöfn en fyrstu stafirnir eru Anna, Palli, Lóa, Kos og Egill og hvað heillar þau svona mikið er mér alveg formunað að skilja. En smekkur manna er misjafn eins og þeir eru margir. Örugglega ekki margir sem skrifa Fried Green Tomatoes sem eina af uppáhaldsmyndum sínum. En sem sagt, minnstu munaði að ég tæki diskinn úr og bryti hann, en ákvað við nánari umhugsun að gefa einhverjum hann sem ekki á hann og langar í hann. Sem sagt tvöfaldur Moulin Rouge DVD diskur með hellings aukaefni fæst gefins fyrir hvern þann sem vill hirða hann!!

En jæja, ætli það sé ekki kominn tími á að reyna að leggja sig, annars er ég búinn að sofa meira og minna frá kl 05:00 til 00:24 í dag í veikindum mínum, vaknaði aðeins til að borða og horfa á Survivor.

Kannski ég kíki bara niðrá Esso eftir einhverjum hjáleiðum og kaupi mér kók og nammi og glápi á einhverja góða mynd, þar sem ég á ekkert eftir að sofna fyrr en á morgun hvort eð er.

Nýr bloggari

2004-10-12T09:11:00.000Z

Halló, halló

Jæja þá er nýr bloggari fæddur og það er ég. Ég kann nú ekkert á þetta ennþá, en maður verður víst að reyna, þetta er eina leiðin til þess að ná athygli fólks sem ég þekki núorðið. Ekki veit ég hvað ég kem til með að blogga mikið en ætli ég verði "hooked" á þessu eins og flestir aðrir og bloggi svona 100 sinnum á dag svona til að byrja með allavega.

En fyrir ykkur sem ekki vita, þá heiti ég sem sagt Ingi Björn Jónsson og er 27 ára. Bý í Hafnarfirðinum og er BARA sáttur við það, temmilega langt frá ys og þys "stórborgarinnar" en samt innan Stórhafnarfjarðarsvæðisins. Soldið langt samt þegar maður er að taka leigubíl heim úr bænum en það skiptir engu máli því ég nenni ekkert að fara þangað lengur, búinn að komast að því að ég er hreinlega orðinn of gamall og löngu búinn að taka út minn skammt af skemmtanalífi borgarinnar sem ég vann við í 3 ár.

Núna er ég bara flugnemi á lokastigi og vinn hjá IGS í Keflavík. Fyrir þá sem ekki vita þá er það Icelandair Ground Services eða Iceland Ground Services fyrir þá sem ekki kunna við Icelandair.

En læt þetta duga sem kynningu í bili.