Inga Björns blogg

sunnudagur, ágúst 21, 2005

Menningarnótt??????????

Menningarsjokk öllu heldur!

Missti nú af allri menningunni um daginn og fór ekkert í bæinn fyrr en undir miðnætti. Ástrún, Sigga Express, Stína Gallagher og Daði flokkstjóri komu og sóttu mig á heimaslóðir rétt um kl 23 og á meðan ég beið eftir þeim fyrir utan gekk á með Amazon rigningu. Vatnið svoleiðis fossaði niður götuna að annað eins hefur ekki sést síðan í gamla daga (sem sagt fyrir áramót).

Nú liðið hélt náttla beinustu leið á ball þar sem flugeldasýningin var jú búin og lítið annað um að vera í bænum en böll og rigning. Þannig að við tókum strikið á Nasa þar sem gífurlegt Sálarball átti að hefjast og þar sem ég var með Siggu og Ástrúnu kom lítið annað til greina en að fara á það. Enda ekki þekktar fyrir annað en að elta Sálina Hans Jóns Míns út um allar trissur. En ég hrósa happi því ef ekki hefði verið fyrir Sálarballið þá hefðum við án efa farið á leiðinlegasta stað í bænum, öðru nafni Pravda, greitt þar milljónir fyrir inngöngu og veðsett svo húsið og bílinn fyrir drykkjunum. Nóg kostaði nú Nasa ævintýrið.

Nema hvað að það var svona ægilega fínt til að byrja með, fannst nú tónlistin ískyggilega há, ekki alveg hægt að njóta hennar þegar maður finnur bassann í maganum. En eftir því sem leið á kvöldið er ég ekki frá því að einhver hafi alltaf verið að hækka í græjunum þannig að ég gafst upp á endanum og fór út með suð í eyrum og er ekki frá því að nokkur af hárunum þarna í miðeyranu hafi skemmst!! Vonandi ekki nóg til þess að medicalið fari í vitleysu. Lofaði sjálfum mér því og stend við það (þar til annað kemur í ljós) að þetta er í allra síðasta skipti sem ég fer á Nasa.

Nú eftir stóð ég einn úti á götu og vissi ekkert hvað ég ætti af mér að gera. Hringdi í Davíð Brá en þá var hann á heimleið í taxa. Þannig að ég rölti mér á Café Kozý og það var nú meiri skelfingin sem blasti við mér þar. Þvílíkt og annað eins samansafn af lufsum hef ég bara ekki séð um mína ævi. Fastagestir hússins að sjálfsögðu dauðir í horninu að vanda og allt þar fram eftir götunum. Var nú ekki lengi að láta mig hverfa þaðan eftir að hafa innbyrt einn öl og hugsað um hvað það er leiðinlegt að djamma á Íslandi. En ekki var öll nótt úti enn.

Ég rölti mér út og athugaði hvort Anna væri enn að vinna á Kaffi Reykjavík, en nei nei þeir höfðu vit á að loka snemma og fara heim að sofa. Þá var ég svona alvarlega að skoða möguleikann á að fara bara heim og rölti mér niður Hafnarstrætið til að athuga stöðuna á Nonna Bita en minnist þess ekki að hafa nokkurn tíma litið þar inn. Var kominn á Lækjartorg þegar Ísarr hringdi og heimtaði að ég kæmi með sér á Hressingarskálann, betur þekktur sem Hressó. Ég hélt nú ekki, sagði að fyrst yrðum við nú að kíkja á ómenninguna á Nelly's. Nú þar var leiðinlegt að vanda þannig að við drifum okkur á Hressó og þar sló nú alveg botninn úr. Ekki veit ég hvað er að gerast þarna í Austurstrætinu en ég held að síðan Berlín lokaði þar fyrir um áratug hafi allt djamm í þeirri götu farið niðurávið. Skemmst er að minnast Astró sem var nú án efa leiðinlegasti skemmtistaður í heimi, svo breyttist hann í Pravda og ekki skánaði ástandið og Hressó held ég að hafi skilað mun betri árangri sem skyndibitastaðurinn McDonalds.

Nú svo dreif ég mig nú loksins af stað heim um kl 0530 og beið eftir leigubíl til 7. Hefði betur bara gengið í Hafnarfjörðinn, kom við á Select og fékk mér djúsí pulsu með kartöflusalati, hráum lauk og tómatsósu og held svei mér þá að það hafi verið skemmtilegasti hluti kvöldsins, eftir að hafa yfirgefið félagsskapinn á Nasa.

En jæja

Þá er ég búinn að koma þessu djammi af mér og bið að heilsa í bili.

Ingi Björn

3 Comments:

  • Jiminn eini, ég er ekkert með móral yfir því að hafa bara verið heima og svo verið að mæta í vinnuna þegar þú, Ingi minn, varst að bíða eftir taxa ;) Held að mesta skemmtunin á þessari blessaðri Ómenninganótt sé bara að degi til og allt sé búið á miðnætti og aðeins svokallaðar lufsur hanga langt fram á morgun :) Ingi minn, næsta ár leigjum við bara góða mynd eða skellum "A view from the top" í tækið og sleppum þessari Ómenningu ;) Þú ert snilld :*

    By Blogger Ingibjorg, at 6:22 e.h.  

  • Jeminn einasti - ég er eiginlega bara guðslifandi fegin yfir að hafa bara verið að vinna á Ómenningarnótt :o) Kíkti nú reyndar aðeins í bæinn að deginum til en sem betur fer ekkert um kvöldið ......

    By Blogger Anna, at 10:57 f.h.  

  • já úff, ég fór nú bara heim um 3 leitið, sátum og vorum bara að kjafta heima hjá Pétri óla nokkrir saman. Ég fór síðan bara heim, enda ekki að meika rigningu og gommu af fullum unglingum í miðbænum. Nei takk.

    By Blogger Co-Páll, at 3:55 e.h.  

Skrifa ummæli

<< Home